09/02/11

Dai 21 ai 23 di Fevrâr i stâts gjenerâi su lis lenghis minoritariis

L’assessôr regjonâl Elio De Anna (te foto chi in bande) al à comunicât lis datis che si davuelzaran i stâts gjenerâi su lis lenghis minoritariis là che al à chê di scoltâ lis diviersis realtâts publichis e privadis che si ocupin di cheste tematiche. Par chel che al rivuarde lis comunitâts de lenghe todescje l’apontament al è in program lunis ai 21 di Fevrâr alì dal auditorium de Comunitât montane a Tumieç. Pal sloven, invezit, l’incuintri si davuelzarà ai 22 di Fevrâr alì dal Auditorium dal teatri Verdi a Gurize. Pal furlan l’apontament si tignarà miercus ai 23 di Fevrâr a Udin, alì dal Auditorium de Regjon.

3 commenti:

michi ha detto...

E cuant meti in vore la leç regjonâl 29/2007? Vino ancjemò tant di spietâ?

michi ha detto...

Par cui che no lu sa, Elio De Anna al à gjavât ancje inte finanziarie 2011 (de nestre regjon) i finanziaments aes radio privadis che trasmetin in lenghe furlane. La plui impuartante radio e je Radio Onde Furlane, cumò in dificoltât. Lis trasmissions radio in lenghe furlane a son une robe fondamentâl pe tutele de nestre lenghe. E De Anna, dopo vê scancelât dal dut chescj impuartants finanziaments, cumò ancje al met in pîts cheste monade dai "stâts gjenerâi su lis lenghis minoritariis"?

Ma par l'amôr del Signôr! Che al vadi a nascuindisi....

michi ha detto...

Viodût? NUIE FURLAN IN RAI!
Ma no jerie une robe sigure? E i tancj titolons sul Messagjero Veneto? "Le vin fate! Il Furlan al è in RAI!". Politics o pipinots?

E par di plui, e àn gjavât vie ancje ducj i bêçs aes radio privadis (come Radio Onde Furlane e Radio Spazio 103 !)inte finanziarie regjonâl 2010 e 2011. E inte ultime ancje i bêçs pe RAI....tant il furlan al è jentrât oramai in RAI.

Mancul mâl che nus reste "EL CAMPANON" in dialet triestin...