06/05/08

Incuintris cui gnûfs aministradôrs

Ta chestis zornadis a son daûr a rivâ insom i passaçs politics e istituzionâi pe formazion des gnovis Zontis de Regjon, de Provincie e dal Comun di Udin e pal insediament dai gnûfs Conseis di chescj ents. Dilunc vie de campagne eletorâl il Comitât 482 al veve fat indenant a ducj i candidâts un document sui dirits linguistics, cumò si trate di viodi intal concret cemût che lis gnovis aministrazions si movaran ta chest cjamp. Par chest o vin za domandât un incuintri uficiâl cul president de Regjon, Renzo Tondo, e cun chel de Provincie di Udin, Pietro Fontanini. In curt o domandarìn dai incuintris ancje cul sindic di Udin, Furio Honsell, e cui assessôrs che a àn vût o a varan lis deleghis su lis lenghis propriis dal Friûl. A man a man che o varìn lis rispuestis e, massime, che si davuelzaran i incuintris o darìn cont a ducj di cemût che e je lade.

2 commenti:

Mauro ha detto...

Ier di sere cjalant Telefriuli, i ai viodût un tocut li cal fevelave Tondo...Lu ai cipât tal discors dai Brigatists rôs, lì che seont lui a jerin dentri ancje persones che a jerin convintes di podè fâ alc di "ben" pal la societât, oviamentri sbagliant...Po dopo al â continûat e al'a gjontat: "la stessa cosa che i talebani del friulano pensano di fare in Friuli". A e vere che no soi rivât a viodi il sô intervent da l'inizi, ma ches dôs batudês mi an fât clopà i zenoi...Veiso par câs sintut l'intervent par inter? Se al'è ce che mi samèe, mi pâr che sin veramentri mâl. Si pô no jessi d'acuardi su une idèee, su un principi, ma tabaià movint l'aiar e no doprant il cjaf mi par avonde pôc incoragjant...Mandi

Comitât 482 ha detto...

Par dî la veretât, jo no ai viodût chê interviste e duncje mi ven dificil di comentâle.
Ciert al è che se cui che si bat pal furlan in maniere pacifiche, democratiche e a muse vierte si pues ancje dome paragonâlu a cui che al dopre lis armis, alore si piert ogni sens de misure.
O vuei sperâ che si trati dome di une jessude infelice... se no o sin pardabon dal gjat.

Carli