Intant de riunion dal Consei dai ministris di îr, tra la istituzion de fieste pal inovâl de "unitât de Italie", l'aument dai podês dal esecutîf e un percors facilitât pal cumierç di armis, il guvier Monti al à dât il vie libare pe ratifiche de Cjarte europeane pes lenghis regjonâls o minoritariis (1992). Si trate di un dai documents di fonde pal rispiet dai dirits linguistics des comunitâts minorizadis che il stât talian al veve firmât agns indaûr, ma nol veve po ratificât. Là che, la mancjance de ratifiche, e impedive di meti in vore i principis de Cjarte intal stât talian. Tant par fâ un esempli, la mancjance de ratifiche e jere stade doprade (in maniere dal dut strumentâl e cence fondis) par motivâ il fat che la RAI no meteve in vore la leç statâl 482/99 che e garantìs spazis pes lenghis minoritariis ricognossudis dentri dal servizi radiotelevisîf public. A son coventâts cetancj agns, ma cumò o sin plui dongje de ratifiche de Cjarte: jacume! Il "plui dongje" al dipent dal fat che, come che al sucêt pai decrets leçs dâts fûr dal guvier, pe aprovazion definitive al covente il vôt dal Parlament. Par solit par completâ chest passaç no son problemis e, duncje, il pas principâl al varès di jessi stât fat, ancje se in Italie no si sa mai....
Magari cussì no, cheste gnove positive e rive distès a lassânus la bocje garbe. Cun di fat, cemût si podaraial rispietâ i principis e i contignûts de Cjarte cuant che il strument principâl par fâlu, ven a dî - daûr des stessis peraulis jessudis îr de bocje dai rapresentants dal guvier talian - la leç statâl 482/99, al è aromai cuasi cence risorsis propit par vie dai tais decidûts dal guvier Monti? Chel istès, par cjalâ chê altre muse de medaie, o podìn dî che cu la ratifiche de Cjarte o varìn une arme in plui pe nestre lote e, pôc ma sigûr, no mancjarìn di doprâle.
1 commento:
Achì disot o metìn il test de gnove de ratifiche cemût che si lu cjate comunicât intal sît dal Consei dai ministris dal stât talian.
***
9 Marzo 2012
Il Consiglio dei Ministri si è riunito oggi alle ore 11,15 a Palazzo Chigi, sotto la presidenza del Presidente del Consiglio, Mario Monti.
Segretario il Sottosegretario di Stato alla Presidenza, Antonio Catricalà.
Il Consiglio dei Ministri nella seduta odierna è intervenuto su un’ampia gamma di materie, relative a profili di diritto nazionale e comunitario.
Le misure adottate riguardano:
a. l’istituzione della “Giornata dell’Anniversario dell’Unità d’Italia”;
b. la nuova disciplina in materia di poteri speciali nei settori della difesa e della sicurezza nazionale (cd. “golden share”);
c. le nuove disposizioni in materia di sovraindebitamento;
d. le modifiche alla legislazione italiana sul controllo dell’esportazione, dell’importazione e del transito di materiali da armamento;
e. lo statuto dell’Agenzia per le infrastrutture stradali e autostradali;
f. la ratifica della Carta europea delle lingue regionali e comunitarie;
g. l’attuazione della normativa europea in tema di norme tecniche per le navi da passeggeri;
h. l’esame di alcune leggi regionali.
[...]
F – CARTA EUROPEA DELLE LINGUE REGIONALI O MINORITARIE
Il Consiglio dei Ministri, su proposta del Ministro degli affari esteri e del Ministro per gli affari regionali, ha ratificato la Carta europea delle lingue regionali o minoritarie. La ratifica va considerata come un recepimento formale dei contenuti della Carta, dal momento che l’Italia è intervenuta con una legge in materia già nel 1999.
La tutela delle lingue minoritarie – 12 in tutto: l’albanese, il catalano, il germanico, il greco, lo sloveno, il croato, il francese, il franco-provenzale, il friulano, il ladino, l’occitano e il sardo – prevede, tra le altre cose, la possibilità di insegnamento nelle scuole, di utilizzo nelle circoscrizioni giudiziarie, oltre che la diffusione di programmi culturali e attraverso i principali mezzi di comunicazione.
[...]
Posta un commento