Tal ricuardâ i dîs agns de Cjarte europeane pes lenghis regjonâls o minoritariis, il Segretari gjenerâl dal Consei de Europe, Terry Davis, al à declarât ai 14 di Mai che "lis minorancis no son un incident de storie,e nancje des comunitâts esotichis e suspietis, ma dai elements di fonde dal mosaic european". "La maniere che la maiorance e difint e e promôf i dirits des minorancis, a tacâ di chel di podê doprâ la proprie lenghe, - al à zontât Davis - e je un dai criteris par misurâ il nivel di svilup democratic di un paîs." Al è ce che il Comitât 482 al va dilunc a dî di agns, magari cussì no la realtât dai fats e je sot dai voi di ducj. Baste pensâ che il stât talian al è un dai ultins de Europe a no vê ancjemò ratificât la Cjarte europeane pes lenghis regjonâls o minoritariis. Al ven duncje di domandâsi: se, come che al ricuarde ancje il Segretari gjenerâl dal Consei de Europe, la tutele e la promozion dai dirits des minorancis a son un dai criteris par judicâ il nivel di svilup democratic di un paîs, trop isal democratic il stât talian?
17/05/08
Dirits des minorancis e democrazie
Tal ricuardâ i dîs agns de Cjarte europeane pes lenghis regjonâls o minoritariis, il Segretari gjenerâl dal Consei de Europe, Terry Davis, al à declarât ai 14 di Mai che "lis minorancis no son un incident de storie,e nancje des comunitâts esotichis e suspietis, ma dai elements di fonde dal mosaic european". "La maniere che la maiorance e difint e e promôf i dirits des minorancis, a tacâ di chel di podê doprâ la proprie lenghe, - al à zontât Davis - e je un dai criteris par misurâ il nivel di svilup democratic di un paîs." Al è ce che il Comitât 482 al va dilunc a dî di agns, magari cussì no la realtât dai fats e je sot dai voi di ducj. Baste pensâ che il stât talian al è un dai ultins de Europe a no vê ancjemò ratificât la Cjarte europeane pes lenghis regjonâls o minoritariis. Al ven duncje di domandâsi: se, come che al ricuarde ancje il Segretari gjenerâl dal Consei de Europe, la tutele e la promozion dai dirits des minorancis a son un dai criteris par judicâ il nivel di svilup democratic di un paîs, trop isal democratic il stât talian?
Iscriviti a:
Commenti sul post (Atom)
2 commenti:
Ce ch'a nol mi plâs par nuje al é che a si continue a cjacarâ di minorancis invesit che in Friûl o sin le magjorance.A sarès ore di gambiâ di mentalitât.
E je vere, in Friûl i furlans a son la maiorance. La cuestion e je che, fintremai che il Friûl nol sarà in stât di decidi di bessôl ancje su chestis cuestions, la autoritât decisionâl di riferiment e restarà chê statâl E, intal stât talian, i furlans a son une minorance.
Pai furlans o podaressin fevelâ di nazion o di nazionalitât come che a fasin di altris bandis, ma chi si trate pardabon di cambiâ il mût di pensâ di cetancj furlans.
A nô nus dan dai estremiscj parcè che o domandìn un nivel di tutele linguistiche minim (il confront lu fâs cun altris realtâts europeanis), figurìnsi tal moment che o vessin di fevelâ di nazion e, massime, di autodeterminazion...
Par dîle in struc: magari no sarìn minoritariis, ma dal sigûr o sin minorizâts.
C.
Posta un commento