27/04/08

Une scuele pal popul furlan

Tai dîs passâts al è stât un an che pre Toni Beline nus à lassâts. Nus plâs di ricuardâlu cun chestis sôs peraulis :

"Si sa che la scuele intal nestri sisteme socioculturâl e je une des colonis de societât. Al è par li che a passin ducj i zovins; al è li che si zuie l'avignî di un popul. Une scuele libare e pal om e sarà la risultive par une zoventût e une umanitât libare e preparade; une scuele dumiesteade, disumane, cence principis o cun principis sbalâts e sarà la risultive par une zoventût e une umanitât sotane, disumane, distudade, muarte. I regjims totalitaris a puedin molâ sun dut, ancje su la moralitât publiche; no molaran mai la scuele. Cussì i stâts nazionalistics. Se la scuele e je la fonde dal avignî di un popul, la mancjance di scuele e je la tombe di un popul. E il popul furlan nol à vude scuele; o intint une sô scuele".

Il nestri impegn al va ancje par che finalmentri ancje il popul furlan al puedi vê une scuele che e tegni cont de sô lenghe e de sô culture e, duncje, par che al puedi vê un avignî al pâr di ducj chei altris popui. Un avignî che al sedi pardabon so, no chel che altris a àn decidût par lui.

14/04/08

I risultâts

Par viodi ce che al vignarà fûr des urnis, o segnalìn il sît regjonâl dedicât a lis elezions te nestre regjon: fracait achì.
In particolâr, ve chi i risultâts schede par schede:

senât;

cjamare;

president de regjon;

president de provincie di Udin;

sindic dal comun di Udin;

altris aministrativis.

10/04/08

Lis rispuestis dai candidâts / Comun di Udin


In mert al document pai dirits linguistics che o vin mandât ai candidâts e che si 'nt fevele achì, o publichìn tai coments lis rispuestis che nus son rivadis dai candidâts, ma dome chês svilupadis tun document. Tal câs dal Comun di Udin nus àn rispuindût Honsell, Ortis e Galioto.

Lis rispuestis dai candidâts / Provincie di Udin

In mert al document pai dirits linguistics che o vin mandât ai candidâts e che si 'nt fevele achì, o publichìn tai coments lis rispuestis che nus son rivadis dai candidâts, ma dome chês svilupadis tun document. Tal câs de Provincie di Udin nus àn rispuindût Fontanini, Strassoldo e Travan.

Lis rispuestis dai candidâts / Regjon

In mert al document pai dirits linguistics che o vin mandât ai candidâts e che si 'nt fevele achì, o publichìn tai coments lis rispuestis che nus son rivadis dai candidâts, ma dome chês svilupadis tun document. Tal câs de Regjon nus à rispuindût dome Illy.

Document dal Comitât 482 pes elezions

Il Comitât 482 al à publicât il document "Pai dirits linguistics in Friûl -VJ" in ocasion des elezions dal Avrîl 2008. Il document si pues lei inte so version integrâl intal sît dal Comitât. Chest document al è stât mandât ai candidâts ae presidence de regjon, de provincie e dal comun di Udin. Simpri inte sezion dai documents dal sît si puedin ancje viodi lis rispuestis dai candidâts.

Inte sezion dai comunicâts stampe invezit si pues consultâ il comunicât "Elezions 2008 e dirits linguistics: lis posizions dai candidâts" dulà che si pues cjatâ un struc des variis posizions cjapadis dai singui candidâts rispiet al document mandât dal Comitât 482.

La letare di Silvana Fachin Schiavi a Tondo e Frattini

La prof.e Silvana Schiavi Fachin (te foto), esperte di educazion plurilengâl e à publicât vuê sul Messaggero Veneto une letare in rispueste a lis declarazions di Frattini e Tondo a proposit di agjenzie europeane des lenghis minoritariis, che a volaressin, ma che e esist za: il Centri Internazionâl sul Plurilinguisim.

Lis intervistis di LengheNET

Il portâl de lenghe furlane www.lenghe.net al è daûr a proponi une schirie di intervistis in spiete des elezions.
Achì o segnalìn la sezion POLITICHE che e met adun dutis lis ultimis intervisti in mert: fracait chi.

09/04/08

L'apel dal Moviment Friûl

Tal prin coment o ripuartìn il comunicât dal Moviment Friûl, che al clame a un incuintri i doi candidâts presidents de Regjon.
Vûe miercus ai 09 di Avrîl, il segretari Marco De Agostini al incuintrarà Riccardo Illy al cafè Caucigh di vie Glemone a Udin a lis 17.15 par un confront su lis tematichis leadis a lis minorancis. Il stes invît al è stât fat ancje a Renzo Tondo par un stes incuintri, daûr de disponibilitât dal candidât dal centridrete.

08/04/08

Declarazions antifurlanis/Camber

Piero Camber (te foto), candidât pal PdL a la Regjon, nol à mai platât la sô contrarietât a di une politiche linguistiche serie pal furlan. Par dî la veretât, ancje cul sloven nol è lât tant pal fin...

Declarazions antifurlanis/Fioroni

Ancje Giuseppe Fioroni (te foto), ministri pe istruzion dal Guvier di Centriçampe, nol à volût fâ mancjâ il so contribût a cheste rubriche e al à manifestât a clâr la sô contrarietât a di une politiche linguistiche serie pal furlan atacant la gnove leç sul furlan, in particolâr atacant "l'assintiment cidin". Cuntun ministri cussì pe scuele, il furlan al va pôc lontan!

07/04/08

declarazions antifurlanis/Ciriani al laude Lanzillotta e Violante

Cuant che al è di dineâ i dirits des minorancis al somee che drete o çampe nol fasi cuissà ce diference. Intal prin coment lis declarazions antifurlanis di Luca Ciriani (te foto a drete), candidât pal PdL a la Regjon, che al laude lis posizions cuintri dla gnûf Statût regjonâl de ministre Linda Lanzillotta (PD) e di Luciano Violante (PD, te foto a çampe).

06/04/08

Declarazions antifurlanis/Malattia

Bruno Malattia (te foto), conseîr regjonâl e cjâfgrup dai Cittadini per il Presidente, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Di Natale

Bruno Di Natale (te foto), candidât pal PdL a la Regjon, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Leonarduzzi

Gianfranco Leonarduzzi (te foto), candidât pal PdL al Comun di Udin, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Ciriani

Luca Ciriani (te foto), candidât pal PdL a la Regjon, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Asquini

Roberto Asquini (te foto), candidât pal PdL a la Regjon, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Menia

Roberto Menia (te foto, daûr di Fini), candidât pal PdL a la Cjamare, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Ciani

Paolo Ciani (te foto), candidât pal PdL a la Regjon, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

Declarazions antifurlanis/Maran

Alessandro Maran (te foto), candidât pal Pd a la Cjamare, nol à mai platât la sô contrarietât a di une politiche linguistiche serie pal furlan. Achì o metìn une selezion gjavade fûr dal "Te lo doi io il friulano", un document realizât di www.lenghe.net che al met adun une schirie di intervents che o vin vût vie pal Istât 2007.

04/04/08

Declarazions antifurlanis/Tondo

Renzo Tondo, candidât president de Regjon F-VJ pal Centridrete, al à dit che la gnove leç di tutele de lenghe furlane e je une strassarie di bêçs.

La Europe e rispuint ai Antifurlans

Ta chescj mês o 'nt vint sintudis di ogni bande declarazions dai Antifurlans cuintri la lenghe furlane. Tal prin coment o ripuartìn la rispueste che e da la Europe a cui che al è cuintri une tutele de lenghe furlane.

pape Zuan Pauli II e lis minorancis

Ai 2 di Avrîl a son stâts 3 agns de muart di pape Zuan Pauli II il prin pape a saludâ i furlans in lenghe furlane intant de sô visite dal 1993. O volìn ricuardâlu cun cheste citazion dal sô messaç"se tu vuelis la pâs rispiete lis minorancis" pe zornade de pâs dal 1989.

"Il prin dirit des minorancis al è il dirit ae esistence. Si pues dineâ chest dirit in cetancj mûts, fin ai câs plui estrems di formis diretis o indiretis di gjenocidi. Il dirit ae esistence al pues jessi dineât ancje in formis plui sutilis. Al sucêt dispès che i grups minoritaris a sedin menaçâts di estinzion culturâl. In ciertis realtâts, di fat, a son legjislazions che no ricognossin il lôr dirit a doprâ la proprie lenghe. Il rispiet [pes minorancis] al à di jessi considerât, in cualchi mût, tant che la piere di paragon par une armoniose convivence sociâl e tant che il segnâl de maturitât civîl che un Paîs e lis sôs istituzion a àn cuistât. Intune societât pardabon democratiche garantî a lis minorancis la partecipazion ae vite publiche al è segnâl di un grant progrès civîl". (Zuan Pauli II)

Il model dal Antifurlan

Sandri Carrozzo (te foto) nus piture par ben il model dal Antifurlan: lait a viodi il so decalic.

03/04/08

Ancje il Com482 al è blogarin

Mandi a ducj i navigadôrs che a passin par chi.
Ancje il Comitât 482, dopo vê screât il gnûf sît Internet, si bute ancje te blogosfere. E lu fâs propit vuê ai 3 di Avrîl, date fondamentâl de storie de nestre Patrie.
Cun chest imprest o sperìn di slargjâ inmò di plui la nestre Rêt e puartâ un contribût simpri plui fuart te nestre bataie a tutele dai dirits des comunitâts linguistichis de nestre regjon.