Ta chest blog si fevele dispès di lenghis propriis e di Europe. Doi concets che plui di cualchidun, invezit, al cîr di tignî disseparâts. Cence dismenteâ che a ‘nd è fintremai di chei che a rivin a dî: “Ce pierdìno ancjemò timp cun chestis lenghis locâls, o sin in Europe!”.Po ben, di trop che i doi concets a sedin leâts e in ce maniere, si fevele tun libri che al ven presentât propit vuê, joibe ai 19 di Jugn, a Udin. Di fat, a sîs sot sere (18.00), in sale Ajace, si presente il libri di Marco Stolfo “Lingue minoritarie e unità europea. La ‘Carta di Strasburgo’ del 1981”. La iniziative, che si insuaze tai incuintris cui autôrs inmaneâts de Biblioteche civiche Joppi di Udin, e à la poie ancje dal assessorât comunâl pe culture e dal Club Unesco di Udin.
Il test al sarà presentât, in plui dal autôr, dai professôrs Silvana Schiavi Fachin e Claudio Cressati de Universitât dal Friûl.
1 commento:
Rôbis da dî, da fâ savê ma rôbis di vê il grop tal cûr parcé che se in doi mil agns di storie o sin daûr juste a rivendicâ il dirit di podê cjacarâ le nestre lenghe al ûl dî ch'o sin mal mitûts.S'al fos Tondo ch'a lu presente al varès un significât ma nancje il so predecessôr a nol si disturbarà par cussí pôc.
Posta un commento