30/06/08

Par Argemì furlan obligatori a scuele

Ancjemò un intervent sui dirits linguistics dal popul furlan di bande di Aureli Argemì, inteletuâl catalan president dal CIEMEN za perseguitât di Franco pe sô azion di difese de lenghe catalane. Tabaiant a un incuintri cutun grup di gjornaliscj ladins e furlans al à dit che "la gnove leç di tutele [de lenghe furlane n.d.r.] e je masse debule. Si à di domandâ dut ce che al è just par une tutele serie. Il dirit ae lenghe e a pandile in ogni mût al è un dirit de persone: il furlan al à il dirit di jessi fevelât in plen, il stes dirit che al è pal talian, ni plui ni mancul". Sul teme particolarmentri discutût dal insegnament de lenghe furlane a scuele, Argemì al à declarât che " e à di jessi la obligatorietât, no si discût. Par esercitâ in plen il dirit dai furlans che si diseve prin. Po dopo cussì ancje i talians a vegnin a cognossi la lenghe che a àn dongje".

L'articul complet su la cunvigne in Ladinie dulà che al è intervignût Argemì si cjatilu tal ultin numar de Patrie dal Friûl.

1 commento:

Unknown ha detto...

Vidût di achi, lis piçulis discussions sul dirit ae marilenghe al somee ridicul. Intindinsi: Tal sens dal pôc ch'a si sa fâ. So vês chê di cjapâ le ispirazion di cemût ch'a si a di promovi une lenghe o vês di vigni a Bruxelles. Achi i fiamingos e an fat un grum di trucs e di leçs no dome par promovi le le lôr lenghe ma par obleâ le int a imparâle.
Esempli: Tai comuns ator di Bruxelles ch'a si cjatin par câs in te regjon des Flandris, il sindic a nol é elet dal president de regjon s'a nol cjacare il nerlandês e chest, ancje se il 95% dai abitants a cjacarin francês.
I gnûs abitants ch'a vuelin lâ a stâ tar chei comuns a son discriminâts e a otegnin il permès di sei domiciliâts dome sa prometin d'imparâ le lenghe...
I documents uficiâi, ancje se ducj a cjacarin il francês, sa si cjatin tar chescj comuns a son dome par nerlandês. I insegnants ch'a insegnin da 20 agns in tes scuelis francofonis, e an ricevût une circolâr che sa no cjacarin par nerlandês a pierdaran il puèst.
Bielzà a Bruxelles, sa tu cjapis une multe a tu la ricêfs diome par nerlandês (Aé le tiarce ch'o ricêf chist an:-)
Alcaltri: Une istituzion flamande a funzione cussí da 15 agns:
E a mitût sù un sievizi ch'al si ocupe di ricevi i emigrâts clandestins di ogni sorte. A ur insegne le lenghe e sa son boins a ju ude a otegni il permès di sogjorno. Za il fat ch'a studin le lenghe da lôr a son bielzà considerâts uficialmenti e a otegnin il permes zence probleme.
Vidût che in Friûl le natalitât aé une des plui bassis d'Italie e che le natalitâ da l'italie aé une des plui bassis dal mont, us doi une drete:-)No stait a cjapâle in stuart:-)
ugvudseu (chest al é il gno password par podê scrivi achi in chest cazzo di blog:-) Al sarès ore di pensâ a tirâ vie chiste monade stant al fat che se un comment a nol và a si puès simpri scancelâlu)