Ocjo a cemût che o fevelais parcè che, intal stât talian, si è vierte la cjace al furlan. Cun di fat, intai ultins dîs, al somee che il sport preferît dai gjornaliscj talians al sedi chel di provâ a sbalinâ le nestre lenghe.
Daspò dal articul publicât su L’espresso (che, sul numar gnûf, al à pensât ben di no dedicâi nancje une rie a dutis lis letaris di proteste che i son rivadis), îr il Corriere della Sera al à anticipât un articul (che o cjatais achì) che al jes doman cul setemanâl “Io donna”. Il toc al è mancul grês di chel da L’espresso, ma l’obietîf finâl nol mude. Cun di plui, te stesse zornade, ancje la RAI e à frontât la cuestion e, almancul intun câs, cu la stesse ande che si ricjate tai doi articui za citâts.
Ciert al è che, se i doi grups plui fuarts de stampe taliane a tirin fûr i lôr canons par trai sul furlan, al vûl dî che i furlans a tachin a fâi pôre a plui di cualchidun. Alore, si pues ben dî che, ta chescj agns, si à lavorât ben. In Italie a varan duncje ancje vierzût la cjace al furlan, ma nô no sin ni dordei, ni sturnei e nol sarà tant facil tirânus jù a sclopetadis!
13 commenti:
Us segnalìn ancje chescj coments sul articul di "Io Donna / Corriere della Sera":
http://gianfrancopintore.blogspot.com/2009/09/il-corriere-sallea-con-lespresso-contro.html
http://christianromanini.blogspot.com/2009/09/prime-ti-ignorin-dopo-ti-ridin-dopo-ti.html
e ancje:
http://ilcrot.blogspot.com/2009/09/la-normalizazion-de-cuestion-furlane.html
e ancjemò:
http://semioblog.blogspot.com/2009/09/historia-magistra-vitae.html
E ancje chi:
http://www.contegemona.it/2009/09/04/fascismo-liberale/
Vero che gli articoli de L'Espresso e del Corriere sono pura demagogia per attaccare le minoranze. Ma c'è un "ma". Negli ultimi 10/15 anni molti friulani si sono sentiti espropriati proprio dai cosiddetti friulanisti del diritto di dire la loro sulle questioni lingua, identità, cultura. I soliti nomi che hanno stufato tutti: i Cescje, i Cjaruç, i Facchinschiavi, i Cisilins e i Romanins. Tutta gente che ha ritenunto di essere la Jean D'Arc della causa friulana. E guai una critica, un dissenso, guai. Tacciati subito di essere anti-friulani. Guai criticare il Grande Dizionario e le sue porcherie linguistiche. Guai far notare i non sempre limpidi rapporti politici di certe "clappe" culturali legate a filo più o meno stretto col potere (Onde furlane, la Patrie dal Friûl, Glesie furlane, Istitût Ladin-Furlan, Serling, La Grame, ...). Guai far notare che una linea più progressiva e "pedadogica" per introdurre il friulano a scuola sarebbe stata più efficace. Guai sollevare la questione delle "spartizioni" dei contributi pubblici. Queste logiche hanno svuotato un elemento importante del mondo friulanista di un tempo, se c'è mai stato, la coesione interna. Ed è difficile, ora, ricostruirla. Almeno guardando all'oggi. Ma i friulani sono pazienti. Attendono. Sulle rive dei loro fiumi. (Zuan dal Mulin)
Visu judut su Telepordenone cun Di Meo e l'editor Santarossa?
Mandi
stan sbarran di ducji lis bandis ma uatis in 15 agns ce tante int veiso portat in place pal furrlan i medias sa no iodin rabbie a afrofitin di monta polemichis e la responsabilitat di chei ca an secuestrat la marelenghe in chest agns fra filooghiche e cjampe chic inteletual
telepordenone fa ridere gigidi meo a le compagnut di leonarduzzi dei radicai mi samea un dei plui feroz cuintre il furlan
va a fini che i vin di clama els mossos d esquadra catalans par para chest atac furibont
organizzait un FURLANDAY
Cjâr Zuan dal Mulin (o cualsisei che al sedi il so non),
aes cuestions che al fâs indenant o pues rispuindii, par cumò, dome a titul personâl e no tant che puartevôs dal Comitât 482.
Dutis lis culturis a àn svilupât il concet de “etât dal aur”, cuant che dut al jere biele e ducj a levin dacuardi. Al sarà par resons anagrafichis, ma jo pal mont de militance furlane (o, se i plâs di plui la peraule, dal furlanisim) cheste “etât dal aur” no le ai mai viodude. Lassìn, duncje, pierdi il discors de coesion interne. Lui, par altri, mi somee che al rapresente benon cheste capacitât di dividisi. Cun di fat, intun spazi dedicât a rispuindi ai atacs che nus rivin de stampe taliane (che no fâs diference tra furlans “bogns” e “triscj”), al dediche sì e no dôs riis a chê cuestion, ma al sint la dibisugne di dedicâ dut il rest dal so intervent a criticâ personis e realtâts associativis che a lavorin pal furlan. Forsit o soi jo che o ai stracapît, ma, se ce che al cîr e je la coesion o almancul il confront costrutîf, la sô no mi somee la strade miôr.
Il Comitât 482 al à cirût, ben o mâl, di meti adun realtâts e personis une vore diviersis tra di lôr, ma che a àn come fin comun chel de difese dai dirits linguistics e nazionâi dai furlans. Cun ducj i siei difiets, al podeve jessi un lûc di confront no dîs su dutis lis cuestions che lui al segnale, ma almancul su cualchidune. No par nuie, la linie che o puartìn indenant e je une linie di compromès tra lis diviersis animis de militance furlane. Aial mai pensât di fâsi indenant e di puartâ il so contribût?
No mi somee il câs di fâ difesis di ufici des personis che lui al cite dal moment che, se a vuelin, a puedin rispuindii di persone. Dut câs, almancul une ecezion o scugni fâle, e o speri che chei altris no se cjapin par chest. Silvana Schiavi Fachin e je une des personis che, cence dal so impegn in Parlament, vuê no esistarès nissune leç statâl di tutele pes minorancis linguistichis. Par gno cont, al bastarès chest a meretâi il rispiet di ducj i furlans. Ma, dal moment che no lu cognòs, po stâi che lui al vedi fat di miôr.
Par chel che al rivuarde ciertis “clappe”, come che lis clame lui, plui o mancul inmaneadis cul podê e che cun chel a àn rapuarts no masse trasparents, no mi plâs cui che al tire il clap e al plate la man. Saial di cualchi episodi che al à valôr penâl? Isal a cognossince di iregolaritâts inte concession dai finanziaments pe lenghe furlane? Se sì, che al presenti denuncie a cui di dovê. Se di no, finìnle di tirâ pantan su cui che al lavore pal furlan. Ancje parcè che, propit su chel pantan, a tetin po chei a fidin la ore di fâle finide cul furlan e cui furlans. Come che a dimostrin benon ancje i atacs di chescj dîs.
Carli Pup
viva andrea valcic sul so corsiv di domenie delgazzettin a la cnetrat in plen l argoment
O ringrazii il comentadôr anonim (che tant anonim nol è, baste recuperâ il codiç ID dal so computer par identificâlu e la polizie postâl no varès di stâ tant...) Zuan dal Mulin par vêmi nomenât adun cun personis pardobon plui competentis e impegnadis di me: le cjapi come une medaie, che personalmentri no mi sint di mertâ (lui justementri mi met come ultin de liste: jo nancje o olsi paragonâmi cun dut ce che a àn fat personis plui autorevulis di me).
Però lu invidi a meti cun precision ancje cuâi che a son i "non sempre limpidi rapporti politici di certe "clappe" culturali legate a filo più o meno stretto col potere (Onde furlane, la Patrie dal Friûl, Glesie furlane, Istitût Ladin-Furlan, Serling, La Grame, ...)". di maniere che o podedi fâ viodi a cualchi legâl la sô liste. Intant mi soi stampât il so coment e lu met tal fassicul li che o metarai ancje la sô liste dai "non sempre limpidi rapporti politici": che se no rivaran o regjistrarai come "sputanament gratuit in public" (in tiermins juridics si puedial scrivi "difamazion"?)
In spiete di lei elements documentâts (e no viôt la ore...), Lu saludi.
Mandi
Posta un commento